【試前十天溫習提點】
大家已經考晒主科，意味住漫長DSE已經過左一半以上啦。淨低就要開始溫Elective啦。前面考成點已經唔重要啦，重要既係之後個啲。場仗一日未打完，都未知結果如何。
.
大部分人應該都係有兩科Elective，適當分配時間溫習係好重要嫁。如果你呢個星期就要考另一科Elective嫁話，我建議你用7-8成時間溫個科，剩低既溫PE。但如果兩科都好後嫁話，咁就可以分配大約55或者64(PE4成)既時間溫兩科。
.
記住一個大原則就係，盡量每日都抽啲時間睇一次體育，讀下佢，背下佢，一兩個鐘都好。因為我地依家要依靠短期記憶，要係十日之內塑造好呢個記憶嫁話，一定唔係最後兩日先死背，而係十日內日積月累。我當年溫書都係咁，積少成多。
.
💮然後就係講下詳細啲既溫書方向💮 .
.
📚第一步📚
先睇翻晒咁多課既筆記。睇翻我教過既技巧，答題等等。
🌟背書須知🌟
永遠唔好諗住死記，要諗方法幫自己記憶，死記一定記唔清楚啲野。要先理解個個詞語再層層咁推論，層層咁記，好似我講熱創傷同領導個兩Part咁。另外搵啲天馬行空既野記，例如礦物質個到咁，夾硬黎都無所謂，都好過淨係咁背。
.
📚第二步📚
睇翻同做翻晒你之前MC題錯過既題目，睇下自己概念上仲有咩缺陷。然後再重新做一次2012-2015年既卷「做思維既訓練」，包括思考過程，睇題目，然後諗答案。如果做到呢到，你既得既有好多唔識，或者係唔記得。咁就翻反去第一步，再溫翻一次書。
🌟試題訓練須知🌟
係睇過往試題中，其中有一點好重要就係你要嘗試去捉摸考評局既出題方向。雖然我係堂上已經講過，但你都可以以自己既角度去捉摸下，會有另一種體悟。捉到出題方向後，當你溫書時，你就可以更加提點住自已，呢個位佢有機會點問，我應該要點答。係未見到真正問題之前，已經事先做好晒準備，當你見到問題時就輕輕鬆鬆全部識答晒。就好似我平時係書上寫個啲問號問題咁。
.
📚第三步📚
當你覺得你溫書都幾熟，我之前教既野都已經掌握都差唔多嫁話。咁你就係時候試下落筆做，以我對大家既認知，大家寫野都仲係有待進步，如果你覺得你比較弱既，即使之前當上講過晒，但你都可以將2016-2018既卷由頭再做一次，做完一年就Send一份比我改，改完我會比Comment你，然後你再做下一年。每次做都要計時，尤其卷二，唔計時做係浪費時間。做完之後，就好似我之前教大家如何去審視一個答案既好壞，你自已去批改翻自已既答題，有咩多左就刪左佢，有咩少左就加翻佢（用另後一隻色既筆）。然後先至再Send比我改。
.
📚第四步📚
重覆背書同做思維訓練既步驟，對自己有百分百信心。九成分數絕對唔難做到！
.
📌溫書過程中遇到咩難題，隨時可以問我。記得千萬唔好最後一兩日先臨急抱佛腳不停send題目比我改，然後諗住我一定改得切比你，最後既時候一定如多人搵我改，我未必可以係好短時間內比得翻你。越早比我改，我就可以越快改翻比你，所以盡快開始溫書啦！！！
.
大家要搏盡呀！目標筆試要有八成！
.
#中學時代既舊照
#最後一半大家衝埋搏盡佢呀
#要改既卷要再進步既位交比我
Search